Gure balio-proposamenak ingeniaritza eta diseinua, fabrikazioa, muntaketa, salmenta ondoko zerbitzua eta mantentze-lanak biltzen ditu. 

Konfiantzazko partnerra gara eraikuntza-proiektuen tipologia zabala garatzeko:

• Zurezko egiturak eta estalkien birgaikuntza
• Familia bakarreko eraikinak
• Bizitegi-eraikinak
• Zuzkidurako eraikinak (ekipamenduak, industria-nabeak, egiturak...)

Zurari buruz dugun ezagutza integralari esker, proiektuen gauzatze-epeak % 50 murrizteko aukera dugu, material tradizionalekin (hormigoiarekin, adibidez) egindako eraikuntza-prozesuekin alderatuta.

Zurezko soluzio industrializatuak

Egoinen zurezko eraikuntza industrializatuaren balio-kate osoa biltzen duen zerbitzua eskaintzen dugu: 

1. Habe laminatuen fabrikazioa
2. Zur kontralaminatuaren (CLT) fabrikazioa
3. Habeen mekanizazioa
4. Timber Framezko panelen fabrikazioa
5. Zur kontralaminatuaren (CLT) mekanizazioa
6. Biesse arotzeria industrialaren mekanizazio bereziak
7. Fatxada eta estalkietako kanpoko estalduretarako zurezko profil berezien fabrikazioa
8.  Pintura-lerro eta kabinetako akaberak
9. Autoklabea bezalako tratamendu bereziak
10.  Fabrikako aurre-muntaketak
11.  Salmenta osteko zerbitzua eta mantentze-lanak

Azpiproduktuak

Jardueran sortutako azpiproduktua Egoinen fabriketan aprobetxatzen da fabrikazio-nabeen berokuntzarako. Sortutako soberakina hainbat erabileratarako merkaturatzen da; adibidez, oholgintzarako, biomasarako eta nekazaritza-sektorerako lehengai bezala.

Logistika eta muntaketa

Logistika eta muntaketa dira prozesu osoaren gailurra, lantegietan egiten dugun egitura-elementuen fabrikazioa barne.

Logistikako eta zurezko egituren muntaketako zerbitzuen integrazioari esker, proiektuaren eraikuntzari dagozkion xehetasun guztiak behar bezala txertatuko direla berma dezakegu, baita zurezko egituren gauzatze material egokia eta horien iraunkortasuna ere.

Taldeen koordinazioa eta integrazioa

Egoineko ingeniaritza, fabrikazio eta muntaketa departamentuak estu-estu koordinatuta eta integratuta daude etengabeko hobekuntzarako irizpideak ezartzearren, eta horri esker, gure bezeroei neurrira egindako soluzioak eskaini ahal ditugu, haien beharretara egokituta. Sail horien integrazioak balio diferentziala ematen digu, produktutik eta zerbitzutik gertu egoteko aukera errazten digun neurrian.

Proiektu bakoitzean dauden logistika eta muntaketa arloetako mugapen eta beharren ezagutza oinarrizkoa izango da gure ingeniariek egiturazko elementuak diseina ditzaten. Muntaketa-talde propioak izatea da Egoinen kalitate-bermerik handienetakoa.