Arimunani eskola zurezko eta landarezko babeslekutzat altxatu da Marratxi herrixkan, Palma de Mallorcatik 18 kilometrora, Serra de Tramuntanaren magalean. 

Proiektu hau gauzatzeko, Aulets arkitektura-estudioak Baleareetako uharte honetan dauden monasterioak hartu zituen erreferentziatzat egituraren kasuan. Bereziki, aire zabaletik babesteko gaitasuna, barne-patio babestuen bidez hezkuntza-babeslekua eratzea lortu duena. Obra martxan jarri aurretik, tokiko baldintza klimatikoak aztertu ziren, eta gerora, leku bero eta lehor hau urte gutxi batzuen buruan babesleku klimatiko bihurtzeko beharrezkoak diren jarduerak diseinatu ziren.

Eraikina biosferako materialez eraiki da nagusiki, eta horiei esker, gehitutako energia % 65 murriz daiteke CO2 isurpenei dagokienez. Egoin zurezko soluzioak eraikitzen dituen enpresa arduratu da egitura arkupeduna zur laminatu kolatuarekin (ZLK) eta forjatu eta hormak zur kontralaminatuarekin (CLT) egiteaz, den-denak ziurtatutako zura duten Euskadiko basoetako intsini pinuz egindakoak. Hartara, enpresak 130 m3 CLT zur eta 56 m3 ZLK erabili ditu, gutxi gorabehera.

Proposamenak muturreko baldintza klimatikoak orekatzeko ekintzak jaso ditu, landarezkoak zein arkitektura dagozkionak. Eraikina udako erradiaziotik babesteko diseinatu da zuhaitzen eta teilatu-hegalen itzalaren bidez, eta neguan aireztapen gurutzatua eta erradiazioa erraztuko du. Gainera, barruko patioak oasi klimatikoa sortuko du.

Irakaskuntzaren zein eraikuntza eta ingurunearen ikuspegitik, arku mediterraneoko etorkizuneko eskolatarako eredu izatea da proiektuaren konfigurazioaren helburua. Universitat de les Illes Balears (UIB) erakundearen lankidetzaz, eraikina une oro monitorizatuko da barnealdeetako ezaugarri klimatikoen eta energia-eraginkortasunaren jarraipena eta baliozkotzea egin ahal izateko.